ထန်တလန်မြို့သိမ်းတိုက်ပွဲတွင် အောက်တိုဘာ ၁၃ ရက်နေ့ မနက် ၁၀ နာရီခန့်တွင် CDF (Paletwa) တပ်ဖွဲ့ဝင် ရဲဘော်တစ်ဦးဖြစ်သူ ဆလိုင်းယွန်းလင်းမြတ်သည် တိုင်းပြည်နှင့် လူမျိုးအတွက် အသက်ပေးလှူသွားကြောင်း သိရသည်။
CDF (Paletwa) စစ်ဆင်ရေးဆိုင်ရာ တာဝန်ရှိသူတစ်ဦးက ” အခုကျဆုံးသွားတဲ့ ရဲဘော်က စည်းကမ်းကောင်းတဲ့ စစ်သည်တစ်ယောက်ဖြစ်တယ်၊ တပ်ထဲမှာဆို စစ်ကမ်းလိုက်နာတာက အသက်သွေးကြောပါပဲ၊ အဲလိုအားကိုးရတဲ့သူ တစ်ယောက် ဆုံးရှုံးရတာဟာ အင်မတန်နှမြောစရာကောင်းပါတယ်၊ သူ့ရဲ့ စွန့်လွှတ်မှုအတွက် ကျွန်တော်တို့ အမြဲအမှတ်ရနေမှာ ဖြစ်သလို ကျွန်တော်တို့ရဲ့ စိတ်နှလုံးထဲမှာ အမြဲရှင်သန်နေမှာ ဖြစ်တယ်…” ဟု ခူမီးမီဒီယာသို့ ပြော သည်။
ထန်တလန်မြို့သိမ်းတိုက်ပွဲအတွင်း CNF/CNA ပူးပေါင်းတပ်ဖွဲ့တွင် CDF (Paletwa) တပ်ဖွဲ့ဝင်များလည်း ပါဝင်ခြင်းဖြစ်ပြီး ယနေ့အချိန်ထိ ကျဆုံးသူ ၁ ဦး၊ ဒဏ်ရာရရှိသူ ၄ ဦး ရှိကြောင်း တာဝန်ရှိသူများ၏ ပြောကြားချက်အရ သိရှိရသည်။
KHUMI MEDIA GROUP