ချင်းမြေကာကွယ်တပ်ဖွဲ့-ပလက်ဝ ထိန်းချုပ်နယ်မြေအတွင်း ရန်ပုံငွေဘောလုံးပွဲကျင်းပ
ဇန်နဝါရီလ ၃ ရက်၊ ၂၀၂၅။
IKACC/PC က ကြီးမှူးပြီး ပရောဂျတ်ကီမို ရံပုံငွေဘောလုံးပွဲကို ချင်းမြေကာကွယ်ရေးတပ်ဖွဲ့-ပလက်ဝ ထိန်းချုပ်နယ်မြေအတွင်း ၂၀၂၄ ခုနှစ်၊ ဒီဇင်ဘာလ ၂၇ ရက်နေ့က ကျင်းပခဲ့ကြောင်း ဒေသတွင်းသတင်း ပေးပို့ချက်အရ သိရသည်။
အဆိုပါ ဘောလုံးပွဲကို ကီမိုချန်ပီယံဖလား ဘောလုံးပြိုင်ပွဲအဖြစ် ကျင်းပခဲ့ခြင်းဖြစ်ပြီး နယ်မြေခံ ဘောလုံးအသင်း ၈ သင်း ဝင်ရောက်ယှဉ်ပြိုင်ခဲ့ကြောင်းနှင့် ဗိုလ်လုပွဲနှင့်ဆုပေးပွဲကို ၂၀၂၅ ခုနှစ်၊ ဇန်နဝါရီ ၁ ရက်နေ့ ကျင်းပခဲ့ပြီး ဗိုလ်စွဲသည့်အသင်းအား ဆုကြေးငွေနှင့် ဆုဖလားကို ခူမီးချင်းမျိုးနွယ်စုများ ရေးရာ အတိုင်ပင်ခံကောင်စီ-IKACC တွဲဖက်အတွင်းရေးမှူး-၁ ဆလိုင်းအောင်လင်းက ချီးမြှင့်ပေးအပ်ခဲ့ကြောင်း သိရသည်။
အဆိုပါအခမ်းအနားသို့ IKACC တွဲဖက်အတွင်းရေးမှူး-၁ ဆလိုင်းအောင်လင်းနှင့်အတူ ပလက်ဝကောင် စီ-PC ဒုတိယဥက္ကဋ္ဌ ဆလိုင်းလုကာ၊ ချင်းမြေကာကွယ်တပ်ဖွဲ့-ပလက်ဝ စစ်ဦးစီးချုပ်ဆလိုင်းဂျိုးရှုးဝါး တို့နှင့်အတူ နယ်မြေခံတာဝန်ရှိသူများလည်း တက်ရောက်ခဲ့ကြောင်း သိရသည်။
သတင်း-ခူသေ့