ငလျင်ဒဏ်ကြောင့် ထိခိုက်သေဆုံး အိုးအိမ်ပျက်စီးဆုံးရှုံးမှု ဖြစ်ပေါ်သည့်အပေါ် ချင်းပြည်(Chinland) ကောင်စီထုတ်ပြန်
မတ်လ ၃၀ ရက်၊ ၂၀၂၅။
ငလျင်ဒဏ်ကြောင့် စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်၊ ပဲခူးတိုင်း၊ နေပြည်တော်၊ ရန်ကုန်နှင့် နိုင်ငံအနှံ့ ပြည်သူများ ထိခိုက်သေဆုံးမှု၊ အိုးအိမ်ပျက်စီးဆုံးရှုံးမှု အကြီးအကျယ်ဖြစ်ပေါ်ခဲ့သည့်အပေါ် ချင်းပြည်(Chinland)ကောင်စီအနေဖြင့် များစွာ စိတ်မကောင်းဖြစ်ရပါကြောင်း ယနေ့မတ်လ ၃၀ ရက်တွင် သတင်းထုတ်ပြန်ထားသည်ကို သိရသည်။
၂၀၂၅ ခုနှစ် မတ်လ ၂၈ ရက်နေ့ မြန်မာစံတော်ချိန်မွန်းလွဲ ၁၂း ၅၁ နာရီတွင် 7.7 ပြင်းအားရှိ Major Earthquake ငလျှင်ကြီးလှုပ်ခတ်မှုကြောင့် ဘေးဒဏ်သင့် ပြည်သူတွေအတွက် အရေးပေါ် လူမှုအကူအညီများ ပံ့ပိုးပေးကြပါရန် နိုင်ငံတကာ အစိုးရများ၊ နိုင်ငံတကာအဖွဲ့အစည်းများ၊ NGO,INGOများ၊ အရပ်ဖက်အဖွဲ့အစည်းများ၊ ပြည်တွင်းပြည်ပရှိ မြန်မာပြည်သားများအား မေတ္တာရပ်ခံကြောင်း ချင်းပြည်(Chinland) ကောင်စီက ထုတ်ပြန်ထားသည်။
စစ်အာဏာရှင်၏ လေကြောင်းတိုက်ခိုက်မှုများကြောင့် ပြည်သူများ အသက်အိုး အိမ်စည်းစိမ်များ သေကြေဆုံးရှုံးနေချိန်၊ သဘာဝ ကပ်ဘေးဆိုးကြီး ငလျင်ဒဏ်ကြောင့် တစ်ပူပေါ် နှစ်ပူဆင့် ထိခိုက်နစ်နာဆုံးရှုံးကြရသည့် မိဘ ပြည်သူများနှင့် ထပ်တူထပ်မျှ ဝမ်းနည်းရပါကြောင်း နဲ့ ဘုရားရှင်ထံမှ စိတ်နှလုံးငြိမ်းအေးခြင်း ဆုကျေးဇူးများ ခံစားရရှိစေကြောင်း ချင်းပြည်(Chinland) ကောင်စီက ဆုတောင်း မေတ္တာ ပို့သထားသည်ကို သိရသည်။
သတင်း – James Roe