ကန်ပက်လက်မြို့ကို အကြမ်းဖက်စစ်ကောင်စီက လေကြောင်းဖြင့် ဗုံးကြဲတိုက်ခိုက်
ဧပြီ ၃ ရက်၊ ၂၀၂၅။
ချင်းပြည်၊ ကန်ပက်လက်မြို့ပေါ်တွင် အကြမ်းဖက်စစ်ကောင်စီတပ်က ဂျက်ဖိုက်တာဖြင့် ဗုံးကြဲတိုက်ခိုက်ခြင်းကြောင့် ပြည်သူနေအိမ်အပါအဝင် အစိုးရအဆောက်အဦး ၂၀ ခန့် ပျက်စီးထိခိုက်ပျက် စီးသွားကြောင်း ကန်ပက်လက်မြို့နယ်၊ ပြည်သူ့အုပ်ချုပ်ရေးအဖွဲ့က ဧပြီလ ၂ ရက်နေ့တွင် ထုတ်ပြန်ထားသည်ကို သိရသည်။
အကြမ်းဖက်စစ်ကောင်စီတပ်သည် ဧပြီလ ၂ ယနေ့ မွန်းလွဲပိုင်းတွင် လေကြောင်းဖြင့် အကြိမ်ကြိမ် ဗုံးကြဲတိုက်ခိုက်သည့်အတွက်ကြောင့် ကန်ပက်လက်မြို့တွင်းရှိ ပြည်သူ့နေအိမ် ၅ အိမ်၊ အစိုးရရုံးအဆောက်အဦးများဖြစ်သည့် ထွေအုပ်ရုံး ၈ ခု၊ ခေါ်နူးစုမ်ရိပ်သာ ၁ ခု၊ ကျေးလက်ဦးစီးမှူးရုံး ၂ ခု၊ မြို့နယ်ရွေးကောက်ပွဲကော်မရှင်ရုံး ၁ ခု၊ မြို့နယ် (စစစ) ရုံး ၁ ခု နှင့် မြို့နယ်စီမံကိန်းရုံး ၂ ခု စုစုပေါင်း အဆောက်အဦး ၂၀ ခု ထိခိုက်ပျက်စီးခဲ့ကြောင်း သိရသည်။
ကန်ပလက်မြို့ကို အကြမ်းဖက်စစ်ကောင်စီက လေကြောင်းဖြင့်ဗုံးကြဲတိုက်ခိုက်ခဲ့သည့်အတွက် ပြည်သူများထိခိုက်မှု အနည်းငယ်ရှိသောကြောင့် ကန်ပက်လက်မြို့နယ်၊ မြို့ပေါ် ရပ်ကွက်နေ ပြည်သူများအနေဖြင့် လေကြောင်းရန် အထူးဂရုပြုနေထိုင်ကြပါရန် အသိပေးထားသည်ကို သိရသည်။
သတင်း – James Roe