တွန်းဇံမြို့တွင် CDF-Tonzang နှင့် ZRA-EC တပ်ဖွဲ့တို့ တိုက်ပွဲဖြစ်ပွား

တွန်းဇံမြို့တွင် CDF-Tonzang နှင့် ZRA-EC တပ်ဖွဲ့တို့ တိုက်ပွဲဖြစ်ပွား

ဧပြီလ ၃ ရက်၊ ၂၀၂၅။

ချင်းပြည် တွန်းဇံမြို့တွင် CDF-Tonzang နှင့် ZRA-EC တပ်ဖွဲ့တို့ တိုက်ပွဲဖြစ်ပွားနေကြောင်း ဒေသခံများထံမှ သိရသည်။

တွန်းဇံမြို့နယ်၊ Mualkawi ကျေးရွာရှိ CDF-Tonzang တပ်စခန်းကို ဧပြီလ ၂ ရက်နေ့တွင် ZRA-EC တပ်ဖွဲ့က ဝင်ရောက်တိုက်တိုက်ခိုက်ခဲ့ပြီးနောက် ဒီကနေ့ ဧပြီလ ၃ ရက်နေ့ မနက် ၁၁ နာရီတွင် ဆက်လက်၍ တွန်းဇံမြို့တွင်ရှိသည့် CDF-Tonzang နှင့် CNA တပ်စခန်းကို ထပ်မံတိုက်ခိုက်လာခြင်းဖြစ်ပြီး တိုက်ပွဲအခြေအနေ အသေးစိတ်ကိုမူ မသိရသေးကြောင်း ဒေသခံများထံမှ သိရသည်။

တွန်းဇံမြို့နယ်သည် ယခင်က စစ်ကောင်စီတပ်နှင့် ZRA-EC ပူးပေါင်းတပ်ဖွဲ့တို့ အခြေစိုက်တပ်စွဲထားကြပြီး ၂၀၂၄ ခုနှစ် မေလ ၂၃ ရက်နေ့တွင် ချင်းလဲန်းကောင်စီတပ်ဖွဲ့က တိုက်ခိုက်သိမ်းပိုက်ခဲ့ခြင်းဖြစ်ပြီး တွန်းဇံမြို့နယ်အတွင်း ပြည်သူ့အုပ်ချုပ်ရေးလည်ပတ်နေကြောင်း သိရသည်။

ယခုနောက်ပိုင်းတွင် ZRA-EC တပ်ဖွဲ့က တွန်းဇံမြို့ကို ပြန်လည်ရရှိရန် CDF-Tonzang နှင့် ချင်းလဲန်းကောင်စီတပ်ဖွဲ့ကို မကြာခဏ ဝင်ရောက်တိုက်ခိုက်ကြောင်း သိရသည်။

သတင်း – James Roe