ပလက်ဝမြို့နယ် ပထဝီအနေအထားအရ ချင်းပြည်နယ် ဖွံ့ဖြိုးတိုးတက်ရေးအတွက် ဘယ်လောက်အထိ အရေး ပါသလဲ ဆိုသည့် VAZU News ၏ မေးမြန်းချက်အပေါ် ပလက်ဝကောင်စီ အတွင်းရေးမှူး ဆလိုင်းအောင်လင်း၏ ဖြေကြားချက်များ
မေလ ၂၈ ရက်၊ ၂၀၂၅။
“တော်တော်ထူးဆန်းတယ်။ ချင်းပြည်နယ်ထဲမှာ ကုလားတန်မြစ်နဲ့ ရေကြောင်းရော၊ ကုန်းကြောင်းရော ပလက်ဝ မှာ အရင်ကလေယာဉ်ကွင်းရှိခဲ့ဖူးတယ်ဆိုတာ အားလုံးသိမှာပါ။ ဒီလိုရေကြောင်း၊ ကုန်းကြောင်း၊ လေကြောင်း အသုံးပြုလို့ရတဲ့ ချင်းပြည်နယ်ထဲမှာ အဲဒီလိုကဏ္ဍပေါင်းစုံနဲ့ လမ်းကြောင်းကို ဦးဆောင်နေတာက ပလက်ဝမြို့ လို့ပြောလို့ရတယ်။ ချင်းပြည်နယ်ထဲမှာ ပလက်ဝက ထူးဆန်းသလိုမျိုးပဲ ဒီမြန်မာနိုင်ငံမှာလည်းပဲ ထူးဆန်းတဲ့ အထဲမှာ တစ်ခုအပါအဝင်ဖြစ်တယ်…”
ဘယ်လိုမျိုး ဒါကိုပြောနိုင်တာလဲဆိုရင်တော့ အိန္ဒိယရယ်၊ ဘင်္ဂလားဒေ့ရှ်ရယ်၊ မြန်မာရယ် ဒီသုံးခုရဲ့ကြားမှာ (တြိဂံကြားမှာ) ရှိနေတဲ့ မြို့လေးတစ်မြို့၊ ဒေသတစ်ခု ဖြစ်တယ်။ အဲဒါကို ရွှေတြိဂံလို့ ကျွန်တော်တို့မှတ်ယူလို့ ရတယ်။ ဒါက တစ်ချို့မြို့တိုင်းမရှိဘူး။ မြန်မာနိုင်ငံမှာလည်း ထူးဆန်းသောမြို့ တစ်မြို့ဖြစ်သလို ချင်းပြည်နယ် ထဲမှာလည်း အများကြီးထူးဆန်းသောမြို့လို့ ပြောလို့ရတယ်…”
“ပလက်ဝအရေးကို စဉ်းစားတဲ့အခါမှာ ပလက်ဝရဲ့ နယ်ပယ်ဒေသတွေ ပလက်ဝကဘယ်လိုလဲ ဆိုတဲ့ဟာကို စဉ်းစားချင်တယ်။ လက်ရှိ တော်လှန်ရေးကာလနဲ့ သော်လည်းကောင်း၊ အခုကြုံတွေနေရတဲ့ဟာ သော်လည်း ကောင်း၊ ပလက်ဝရဲ့အနေအထားက ဘယ်လိုဖြစ်လဲဆိုတဲ့ အရင်ကတည်းက သော်လည်းကောင်း စဉ်းစားတဲ့အခါ ဒီသုံးခုနဲ့ လေ့လာကြည့်လို့ရတယ်…”
“ပထမဦးဆုံးက လမ်းပမ်းဆက်သွယ်ရေးဖြစ်တယ်။ လက်ရှိမှာ ပလက်ဝ – ဇိုရမ်းပွီ လမ်းကို အကောင်အထည် ဖော် ဆောင်ရွက်နေတာရှိတယ်။ ဒါက အိန္ဒိယဘက်ကနေ မြန်မာပြည်ဘက်ကို ဝင်တဲ့လမ်းကြောင်းဖြစ်တယ်။ တော်တော်လည်း အချက်အခြာကျတဲ့ ကဏ္ဍပေါင်းစုံ အလုပ်လုပ်နိုင်တဲ့ ကုန်သွယ်ရေးလမ်းပေါ့။ လမ်းပန်းဆက် သွယ်ရေးကို တော်တော်လေးအချက်အခြာကျတဲ့ဟာ တစ်ခုဖြစ်တယ်…”
“နောက်တစ်ခုကျတော့ လက်ရှိမှာလည်းပဲ ရခိုင်ပြည်နယ် အနေနဲ့ စစ်ကောင်စီနဲ့ စစ်တိုက်နေတဲ့ ကာလဖြစ်တယ်။ ပလက်ဝကို သိမ်းပိုက်လိုက်တဲ့အချိန်မှာ ခုစစ်ကောင်စီမရှိတော့ ရခိုင်ပြည်ဘက်ကို ဖြစ်ဖြစ်၊ ဗမာပြည်ဘက်ကို ဖြစ်ဖြစ် စီးဆင်းဝင်နိုင်တဲ့ ကုန်စည်တွေဆိုရင် အိန္ဒိယဘက်ကို အများကြီး ကုန်သွယ်ရောင်းဝယ်တာတွေ လုပ်လာ တာရှိတယ်။ အဲလိုလုပ်တဲ့အခါ ပလက်ဝဘက်ကနေ သွားရတာတွေ လုပ်ကို လုပ်လာရတယ်…”
“ဥပမာ- ရေလမ်းနဲ့စဉ်းစားရင် ပလက်ဝကနေ ရခိုင်ပြည်ဘက်ကိုသွားမယ်ဆိုရင် အိန္ဒိယနိုင်ငံ မီဇိုရမ်ပြည်နယ် လောင်တလိုင်ကနေ ပလက်ဝ၊ ပလက်ဝကနေတစ်ဆင့် ရခိုင်ပြည်နယ်ဘက်၊ ဗမာပြည်ဘက်ကို ဝင်ရတာပဲဖြစ် တယ်။ ဒါက ရေလမ်းကြောင်းအရ ဖြစ်တယ်…”
“နောက်တစ်ခုကျတော့လည်း အခုလက်ရှိအနေနဲ့ ဆမီးဘက်ကနေ မင်းတပ် – မတူပီ – ပလက်ဝ လမ်းကနေ သွား ကိုသွားရတယ်။ ဆိုတော့ ဒါက ကုန်းလမ်းရော ရေလမ်းရော လက်ရှိ ပလက်ဝဘက်ကနေ စီးဆင်းပြီးတော့ ပြည်ပ နဲ့ထိစပ်ပြီးမှ ဆက်နွယ်ပြီးမှ စီးပွားရေးလမ်းကြောင်း ကုန်သွယ်ရေးလမ်းကြောင်း စီးဆင်းနေတာမျိုး ဖြစ်တယ်။ လမ်းပမ်းဆက်သွယ်ရေး ကောင်းခဲ့မယ်ဆိုရင် လမ်းပမ်းဆက်သွယ်ရေးနဲ့ စီးပွားရေးလမ်းကြောင်း နှစ်ခုအနေနဲ့ အမြင်ဖြစ်တယ်…”
“နောက်တစ်ခုက လက်ရှိတော်လှန်ရေးကာလဖြစ်လို့ စစ်ရေးအကြောင်းပေါ့။ ပလက်ဝက စစ်ကောင်စီ ရှိခဲ့မယ် ဆိုရင် ချင်းနဲ့မကွေးကို တော်တော်များများယိုစီးနိုင်တယ်။ ဒါနဲ့ စစ်ကောင်စီမရှိတော့ ချင်းနဲ့မကွေးရဲ့ စစ်ရေးစစ်ရာ တော်တော်များများ အာသာချက်အနေနဲ့ တော်လှန်ရေးသမားတွေ ခြေကုတ်ယူနိုင်တဲ့ အနေအထား ဖြစ်တယ်။ ဒါက ကျွန်တော်တို့တော်လှန်ရေးသမားတွေအတွက် အားသာချက်တစ်ခုလို့ ပြောလို့ရတဲ့ အနေအထားတစ်ခု ဖြစ် တယ်…”
“လမ်းပမ်းဆက်သွယ်ရေး၊ စီးပွားရေး၊ စစ်ရေး ဒါတွေအကုန်လုံးအတွက်ကို ပလက်ဝက အချက်အခြာကျတဲ့ ကောင်းမွန်တဲ့ ဆုပ်ကိုင်နိုင်တဲ့ဟာမျိုးဖြစ်တယ်။ ဒါကို ကျွန်တော်တို့က ပလက်ဝကို ချင်းပြည်နယ်အနေနဲ့ အပွင့် လင်းဆုံးပြောရမယ်ဆိုရင် ချင်းပြည်နယ်ထဲမှာ မြို့တော်အနေနဲ့ တည်လိုက်ပေါ့၊ သဘောက။ အဲဒါတောင်မှ ချင်းပြည်နယ်ကို မြန်မာနိုင်ငံအလယ်ရော ကမ္ဘာအလယ်မှာရော ဟစ်ကြွေးနိုင်တဲ့ မြို့ဖြစ်တယ်။ ရွှေနိုင်ငံလို့ ပြောပြောနေသလို ရွှေပြည်နယ်အဖြစ် ဖန်တီးပေးနိုင်တဲ့ မြို့ဖြစ်တယ်။ ချင်းပြည်နယ်ရဲ့ အစိတ်အပိုင်း တစ်ခုလုံး ကို အကောင်းဆုံးဖွံ့ဖြိုးတိုးတက်ဖို့ ဆောင်ရွက်ပေးနိုင်တဲ့ မြို့ကတော့ ချင်းပြည်နယ်ထဲမှာ ပလက်ဝမြို့ ဖြစ်တယ် လို့ ကျွန်တော်က ဒီလိုသုံးသပ်ပါတယ်…”
သတင်း – James Roe
Source News – VAZU News