ကလေးနှင့် ကလေး၀မြို့နယ်တွင် လျှပ်စစ်မီးပြတ်တောက်နေ
ဖေဖော်ဝါရီလ ၁၉ ရက်၊ ၂၀၂၅။
စစ်ကိုင်းတိုင်း၊ ကလေးမြို့နယ်နှင့် ကလေးဝမြို့နယ်တို့တွင် လျှစ်စစ်မီးပြတ်တောက်နေကြောင်း ယနေ့ ဖေဖော်ဝါရီလ ၁၉ ရက်နေ့တွင် ဒေသခံများထံမှ သိရသည်။
စစ်ကိုင်းတိုင်း၊ ကလေးမြို့နယ်တောင်ပိုင်းတွင် ယနေ့အထိ တော်လှန်ရေးတပ်ဖွဲ့များနှင့် အကြမ်းဖက် စစ်ကောင်စီတပ်များသည် နှစ်ဘက်တိုက်ပွဲများ ဆက်လက်ရှိနေပြီး အကြမ်းဖက် စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် ကလေး -ဂန့်ဂေါကြားရှိ ၆၆ ကေဗွီ လျှပ်စစ်ဓာတ်အားလိုင်း ထိခိုက်၍ ကလေးနှင့် ကလေးဝမြို့နယ်တွင် လျှစ်စစ်မီးပြတ်တောက်နေသည်မှာ တစ်ပတ်ခန့်ရှိနေပြီဖြစ်ကြောင်း ဒေသခံများထံမှ သိရသည်။
ကလေး-ဂန့်ဂေါ ကြားရှိ ၆၆ ကေဗွီ လျှပ်စစ်ဓာတ်အားလိုင်းသည် ဖေဖော်ဝါရီလ ၁၄ ရက်နေ့မှ စတင်၍ ပြတ်တောက်သွားခြင်းဖြစ်ပြီး လျှပ်စစ်မီး ပြန်လည်ရရှိရန် မသေချာကြောင်းနှင့် နေ့စဉ်ရက်ဆက် ဗုံးကြဲတိုက်ခိုက်မှုများကြောင့် ၆၆ ကေဗွီ လျှပ်စစ်ဓာတ်အားလိုင်းနှင့် ဓာတ်ကြိုးများ၊ တိုင်များ ထိခိုက်ပျက်စီးမှုရှိပြီး ပြန်လည်ပြုပြင်ရန်အတွက်လည်း ခက်ခဲမည်ဖြစ်ကာ ဆက်လက်၍လည်း လျှပ်စစ်မီးပြတ်တောက်နိုင်ကြောင်း ကလေးဒေသခံ သတင်းအရင်းအမြစ်ထံမှ သိရသည်။
ကလေးတောင်ပိုင်းရှိ ကလေး-ဂန့်ဂေါလမ်းပိုင်းအနီးရှိ ကျေးရွာများကို ဖေဖော်ဝါရီလအတွင်း စစ်ကောင်စီတပ်နှင့် တော်လှန်ရေးပူးပေါင်းတပ်ဖွဲ့တို့ကြား တိုက်ပွဲများဖြစ်ပွားနေပြီး အကြမ်းဖက် စစ်ကောင်စီတပ်မှ လေကြောင်းဖြင့် ဗုံးကြဲတိုက်ခိုက်မှုများနှင့် လက်နက်ကြီးများဖြင့် ပစ်ခက်မှုများကြောင့် ဒေသခံပြည်သူ တစ်သောင်းခန့်တို့သည့် တောတောင်များထဲတွင် ဘေးလွတ်ရာသို့ ထွက်ပြေးတိမ်းရှောင် နေကြရကြောင်း သိရသည်။
သတင်း – James Roe