၇၇ နှစ်မြောက် ချင်းအမျိုးသားနေ့ ကြားကာလခူမီးချင်းမျိုးနွယ်စုများရေးရာ အတိုင်ပင်ခံကောင်စီ IKACC မှ ထုတ်ပြန်ချက် သဝဏ်လွှာ
ဖေဖော်ဝါရီလ ၂၀ ရက်၊ ၂၀၂၅။
ယနေ့သည် ကျွန်ုပ်တို့၏ ဘိုးဘေးများက မွန်မြတ်သည့်အစဉ်အလာများဖြင့် သမိုင်းအမွေအနှစ်အဖြစ် လက်ဆင့်ကမ်းပေးအပ်ခဲ့သည့် ၇၇ နှစ်မြောက် ချင်းအမျိုးသားနေ့ ဖြစ်သည်နှင့်အညီ ဤမွန်မြတ်သော အခါသမယတွင် ချင်းအမျိုးသားများအနေဖြင့် မိမိတို့၏ပိုက်နက်နယ်မြေကို ထိန်းသိမ်းတက်သည့် စိတ်ဓါတ်ဓလေ့၊ ဖယ်ဒရယ်စနစ်၏ အနှစ်သာရဖြစ်သည့် ဘုံအမှတ်လက္ခဏာများနှင့် သီးခြားအမှတ်လက္ခဏာများကို လေးစားအသိအမှတ်ပြုတက်သည့် မဖောက်မယွင်းသောသစ္စာနှင့် ဒီမိုကရေစီအလေ့အထများ ထွန်းကားစေတက်သည့် စုံလင်သောယဉ်ကျေးမှုတို့ အစဉ်ပေါက်ဖွားရှင်သန်စေခြင်းဖြင့် ခေတ်အဆက်ဆက် အမျိုးသားအကျိုးစီးပွားအတွက် ကိုယ်ကျိုးအဖက် ကြိုးပမ်းဆောင်ရွက်ခဲ့ကြသည့် ချင်းအမျိုးသားခေါင်းဆောင်များ၏ ဆောင်ရွက်ချက်များကို လေးစားဂုဏ်ပြု အောက်မေ့ခြင်းဖြင့် ယနေ့ကျရောက်သည့် ၇၇ နှစ်မြောက် ချင်းအမျိုးသားနေ့ကို ဂုဏ်ပြုသင့်ပါကြောင်း တိုက်တွန်း အပ်ပါသည်။